Hakimi təhqir edən və fiziki təzyiq göstərmək istəyən məşqçilər 5 oyunluq cəzalanıblar

AFFA İntizam Komitəsi futzal üzrə Yüksək Liqada çıxış edən “Record club” komandasının məşqçisi Ali Sabahiaghghalehi 5 oyunluq cəzalandırıb.

“Turanın səsi ” milli assosiasiyanın rəsmi saytına istinadən xəbər verir ki, buna mütəxəssisin “Yasamal Bakı” ilə görüşün 40-cı dəqiqəsində hakimə qarşı fiziki təzyiqə cəhd etməsi səbəb olub.

Sabahiaghghaleh birbaşa qırmızı vərəqə də alıb.

Futbol üzrə Gənlər Liqasında çıxış edən “Araz-Naxçıvan”ın baş məşqçisi Xəyal Mustafayev də eyni cəza ilə üzləşib. O, “Qarabağ”la görüşdə hakimi təhqir etdiyi üçün texniki zonadan qovulub.