Futbolçunun anası söyüldü, Qvardiola özündən çıxdı

İngiltərə Premiyer Liqasının 31-ci turu çərçivəsində baş tutan Mançester derbisində xoşagəlməz hadisə yaşanıb.

“turaninsesi.az” xəbər verir ki, 0-0 hesabı ilə bitən matçda “Mançester Yunayted” azarkeşlərinin bir hissəsi “Mançester Siti” klubunun futbolçusu Fil Fodenin anasının ünvanına təhqiramiz sözlər işlədib.

Azarkeşlərin bu addımı qonaqların baş məşqçisi Pep Qvardiolanı özündən çıxarıb. İspaniyalı mütəxəssis oyundan sonra verdiyi açıqlamada belə hadisələrin futbolu çirkinləşdiriyini deyib.

Matçdan sonra Fil Foden isə öz sosial media hesabında “davam edirik” ifadəsini paylaşıb. 24 yaşlı yarımmüdafiəçinin anası daha öncə bir sıra qalmaqallarla gündəmə gəlib.