Çempionlar Liqası: “Qarabağ”dan Macarıstanda tarixi qələbə

UEFA Çempionlar Liqasının pley-off mərhələsinin ilk oyununda “Qarabağ” səfərdə”Ferentsvaroş”la (Macarıstan) qarşılaşıb.

“turaninsesi.az” xəbər verir ki, “Qroupama Arena”da keçirilən matçda Ağdam təmsilçisi qələbəyə qazanıb – 3:1.

Oyunda hesabı meydan sahibləri açıblar. 29-cu dəqiqədə Barnabas Varqa adını tabloya yazdırıb. 

İkinci hissədə dönüş yaradan “Qarabağ” 50-ci dəqiqədə Marko Yankoviçlə bərabərlik qolunu vurub. 67-ci dəqiqədə isə Kevin Medina “köhlən atlar”ı hesabda irəli çıxarıb. 85-ci dəqiqədə rəqib qapısına yol tapan Musa Qurbanlı yekun hesabı müəyyənləşdirib.

Qeyd edək ki, komandalar arasında cavab matçı avqustun 27-də Tofiq Bəhramov adına Respublika stadionunda baş tutacaq. Qalib tərəf UEFA Çempionlar Liqasının, məğlub olan isə Avropa Liqasının əsas mərhələsinə qatılacaq.