“Barselona”dan gözlənilməz məğlubiyyət

İspaniya La Liqasının 17-ci turunda lider “Barselona” evində məğlub olub. Kataloniyalılar doğma meydanda “Leqanes”ə uduzub.

“turaninsesi.az” xəbər verir ki, qarşılaşmada yeganə qolu 4-cü dəqiqədə Serxio Qonzales vurub. “Barselona” bərabərlik topu üçün nə qədər cəhd göstərsə də, hesab dəyişməyib.

Bu nəticə ilə “Barselona” 38 xalda qalıb. “Atletiko Madrid” isə 1 oyun az keçirməklə və eyni xalla 2-ci sıradadır. Növbəti turda katalonlar məhz ən yaxın izləyicisi olan “Atletiko”nu qonaq kimi qəbul edəcək.