“Barselona”dan darmadağın

İspaniya La Liqasının 21-ci turunda “Barselona” evində “Valensiya” ilə qarşılaşıb. Oyun kataloniyalıların 7-1 hesablı darmadağını ilə yekunlaşıb.

“turaninsesi.az” xarici mediaya istinadən xəbər verir ki, meydan sahibləri “Kamp Nou”da ilk 14 dəqiqədə 3 qol vurmağı bacarıb. İlk hissənin sonunda isə hesab 5-0 olub. İkinci hissədə Huqo Duro ilə fərqi 4-ə endirən “Valensiya” qarpısında daha 2 qol görüb və nəticədə tarixi darmadağın qeydə alınıb.

Bu nəticə ilə “Barselona” xallarının sayını 42-yə çatdırıb. “Valensiya” isə 16 xalda qalıb.