“Barselona” derbidən qalib ayrıldı

İspaniya “La Liqa”sının 12-ci həftəsində lider “Barselona” evində “Espanyol”u qəbul edib.

“turaninsesi.az” xəbər verir ki, Barselona derbisindən meydan sahibləri 3-1 hesablı qələbə qazanıb.

Meydan sahiblərinin qollarını 12 və 31-ci dəqiqədə Olmo, 23-də isə Rafinya vurub. Qonaqların yeganə qolunun müəllifi isə (63-cü dəqiqə) Puadodur.

Bu qələbə ilə “Barselona” xallarının sayını 33-ə çatdırıb və ilk pillədə qərarlaşıb. “Espanyol” isə 10 xalla 17-cidir və “təhlükəli zolaq”da yer alır.