AVRO-2024: Serbiya son dəqiqə qolu ilə məğlubiyyətdən xilas oldu
Almaniyada keçirilən futbol üzrə Avropa çempionatının qrup mərhələsinin II turunun Sloveniya – Serbiya görüşü başa çatıb.
“Turanın səsi ” xəbər verir ki, qarşılaşma heç-heçə ilə yekunlaşıb – 1:1.
Sloveniyalılar 69-cu dəqiqədə hesabı açsalar da, sona qədər üstünlüyü qoruya bilməyiblər. 90+5-ci dəqiqədə Serbiya millisinin futbolçusu Luka Yoviç bərabərlik qolunu vuraraq komandasını məğlubiyyətdən xilas edib.
Qeyd edək ki, bu qrupun digər oyununda Danimarka İngiltərə ilə qarşılaşacaq.