“İdrak” liseyinin rəhbəri danışdı – GÜLLƏLƏNƏN QADIN MÜƏLLİMDİR

Bakıda yerləşən “İdrak” liseyində şagird müəllimi güllələyib.

“idrak” liseyinin təsisçisi, pedaqoji elmlər doktoru, professor Mönsüm Alışov hadisə ilə bağlı “turaninsesi.az ”ın suallarını cavablandırıb.

– Hadisə necə olub?

– Mən gəlmişəm, burdayam. Uşaq çantasında ov tüfəngi gətirib. Ehtiyatsızlıqdan atəş açılıb. Şükür Allaha, elə də ciddi xəsarət yoxdur.

– Neçənci sinif şagirdidir?

– 10-cu sinifdə oxuyur. Oğlan uşağıdır.

– Güllələnən müəllim qadındır yoxsa kişi?

– Qadındır. 

– Müəllimin vəziyyəti necədir?

– Müəllimənin vəziyyəti yaxşıdır. Xəstəxanadadır.

– Hansı fənndən dərs deyir? 

– Hazırda araşdırma aparılır. 

– Əvvəllər bu şagirdlə bağlı şikayət olub?

– Xeyr olmayıb.

– Həmin şagirdin davranışları normaldır?

– Bəli, normaldır.

– Liseyin qapısında mühafizə yoxdur? Necə olub ki, həmin silahı içəri keçirib?

– Var. Ancaq keçirə bilib.

– Hadisə sinif otağında, yoxsa həyətdə baş verib?

– Sinif otağında baş verib. 

Arzu Paşaqızı