Yaponiyanın daşıyıcı raketi mühərrik sınaqları zamanı partlayıb

Yaponiya Aerokosmik Tədqiqatlar Agentliyi (JAXA) tərəfindən hazırlanan kiçik “Epsilon S” daşıyıcı raketi cümə günü ikinci mərhələ mühərrikini sınaqdan keçirərkən partlayıb.

“Turanın səsi ” xəbər verir ki, bu, yutubda “NVSlive” kanalında aparılan yayımda əks olunub.

Partlayış mühərrikin sınaqlarına başlandıqdan təxminən bir dəqiqə sonra baş verib. Hadisə yerinə yanğınsöndürmə briqadaları göndərilib.

NHK telekanalının məlumatına görə, insident nəticəsində xəsarət alan olmayıb.