Yaponiya Rusiyaya işlənmiş avtomobillərin ixracını qadağan edə bilər

G7 (Böyük Yeddilik – red) Rusiya Federasiyasına malların ixracına demək olar, tam qadağa qərarı versə, Yaponiyanın hakimiyyət orqanları hazırda həmin ölkəyə əsas ixrac məhsullarından biri olan işlənmiş avtomobillərin tədarükünü qadağan edə bilər.

“Turanın səsi ” xəbər verir ki, bu barədə “Kyodo” agentliyi məlumat yayıb.

Hazırda Yaponiya Ukraynadakı vəziyyətlə əlaqədar Rusiyaya qarşı sanksiyalar çərçivəsində bu ölkəyə dəyəri 6 milyon iendən (hazırkı məzənnə ilə təxminən 45 min ABŞ dolları) olan avtomobillərin ixracını dayandırıb. Embarqo genişləndiriləcəyi təqdirdə digər avtomobillərin, o cümlədən işlənmiş nəqliyyat vasitələrinin də ixracı qadağan edilə bilər.

“Bu, çox güman ki, Yaponiya şirkətlərinə və regional iqtisadiyyata təsir göstərəcək”, – “Kyodo” yazıb.

Bundan əlavə, siyahını avtomobil təkərləri, kosmetika və geyim məhsulları da daxil etməklə genişləndirmək olar.