Vladimir Putin atəşkəs elan etdi

Rusiya Prezidenti Vladimir Putin Pasxa atəşkəsi elan edib.

“turaninsesi.az” xəbər verir ki, bu barədə Kremlin Mətbuat Xidməti məlumat yayıb.

Məlumata görə, V. Putin bugünkü iclasda Rusiya Silahlı Qüvvələrinin Baş Qərargah rəisi Valeri Gerasimovun döyüş təmas xəttindəki vəziyyətlə bağlı məruzəsini dinləyib.

Prezident bildirib ki, Rusiya tərəfi aprelin 19-u saat 19:00-dan (Bakı vaxtı ilə – red.) etibarən bütün hərbi əməliyyatları aprelin 21-i saat 01:00-dək (Bakı vaxtı ilə) dayandırır.