Vaşinqton Tehranla nüvə sazişini müzakirə edir

ABŞ və İran əsirlərin mübadiləsinə dair razılaşmaya və bir sıra digər sazişlərə yaxındır.

“turanın səsi ” “Kommersant”a istinadən xəbər verir ki, bunu Vaşinqtonla Tehran arasında vasitəçi kimi çıxış edən Oman hakimiyyəti də təsdiqləyib.

Eyni zamanda, İranın Nüvə Proqramı üzrə Birgə Hərtərəfli Fəaliyyət Planına (JCPOA) qayıdış perspektivləri diqqət mərkəzində saxlanılır.

Oman bununla bağlı çox optimist olsa da, 2015-ci il müqavilələrinə ikinci həyat vermək asan olmayacaq: Cozef Bayden administrasiyasına həm ölkə daxilindən, həm də xaricdən həddən artıq təzyiq var.

Omanın xarici işlər naziri Bədr bin Həməd bin Hamud əl-Busaidi ABŞ və İran arasında birbaşa təmasların təfərrüatlarını bölüşüb. Nazir həmçinin bildirib ki, yaxın gələcəkdə İran Vaşinqtonun Tehrana qarşı sanksiyalar tətbiq etməsindən sonra itirdiyi xarici hesablardakı vəsaitlərinə çıxışı bərpa edə bilər.

“Optimizm məhbusların mübadiləsi ilə bağlı danışıqların gedişini ruhlandırır. İran və ABŞ razılığa gəlməyə yaxındır. Yalnız texniki məsələlərdə razılaşmaq qalır”.