Ukraynada “qanlı bazar”: Ruslar son sutkada 1040 hərbçi itirib

Rusiya qüvvələri son sutkada Ukrayna ərazisində daha 1040 hərbçisini itirib. 

“Turanın səsi ” xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb. 

Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 475 300 nəfərə çatıb.

Həmçinin son sutka ərzində Rusiyaya məxsus 5 tank, 34 zirehli döyüş maşını, 38 artilleriya sistemi Ukrayna ordusu tərəfindən sıradan çıxarılıb.

Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub. 

⤵️
” TURANIN SƏSİ “_ ARZU PAŞAQIZI