Türkiyədə helikopter qəzası: 6 hərbçi öldü

Türkiyənin İsparta vilayətində hərbi helikopter qəzaya uğraması nəticəsində 1-i general olmaqla 6 hərbçi ölüb.

“turaninsesi.az” xəbər verir ki, bu barədə İsparta valisi Abdullah Erin məlumat yayıb.

Hadisə yerinə təcili yardım və xilasetmə briqadaları göndərilib.

Türkiyə Milli Müdafiə Nazirliyinin yaydığı başsağlığı mətnində deyilir:

“İspartada baş verən helikopter qəzasında ağır yaralı olaraq xəstəxanaya yerləşdirilən əməkdaşımızı xilas etmək mümkün olmayıb. O, şəhid olub. Şəhidlərimizə Allahdan rəhmət, ailələrinə və Türk Silahlı Qüvvələrimizə başsağlığı diləyirik”.

Qeyd edək ki, helikopterdə şəhid olan hərbçilərdən biri İsparta Quru Aviasiya Məktəbinin komandiri general-mayor İsa Baydillidir.