Spiegel: Almaniya hökuməti Merkeli pula qənaət etməyə çağırıb

Almaniya hökuməti keçmiş kansler Angela Merkelə səyahət xərcləri də daxil olmaqla, imtiyazlarına qoyulan məhdudiyyətləri xatırladıb və qənaət etməyə çağırıb.

“Turanın səsi”ın məlumatına görə, bu barədə “Spiegel” Maliyyə Nazirliyinin Bundestaqın Büdcə Komitəsinə hesabatına istinadən xəbər verib.

Sənəddə deyilir ki, keçmiş kanslerin ofisi status idarəsi olmamalıdır, o, rəsmi və daimi öhdəlikləri yerinə yetirmək üçün nəzərdə tutulub, həm də ondan şəxsi məqsədlər üçün istifadə etmək və əlavə gəlir əldə etmək istisna olunur.

Nəşr vurğulayır ki, Merkelin ezamiyyə xərclərinin ödənilməsinə yalnız o halda baxıla bilər ki, keçmiş federal kansler Almaniya Federativ Respublikasının adından və onun maraqlarına uyğun səfər edəcək.