Sloveniyada ilk dəfə qadın prezident seçilib

Sloveniyada keçirilən prezident seçkilərinin 2-ci turunda bülletenlərin 99,95 %-nin hesablanmasından sonra bitərəf namizəd, hüquqşünas Nataşa Pirs-Musar lider olub.

“Turanın səsi”  xəbər verir ki, bu barədə Dövlət Seçki Komissiyasının saytında dərc olunan məlumatda deyilir.

Dövlət Seçki Komissiyasının məlumatına görə, o, 53,88 faiz səs toplayıb. Respublikanın Xarici İşlər Nazirliyinin keçmiş rəhbəri, Sloveniya Demokratik Partiyasından olan deputat Anje Loqara seçicilərin 46,12 %-i səs verib.

54 yaşlı Musar hüquqşünasdır, o seçkilərdən əvvəl insan haqları, qanunun aliliyi və sosial rifahla bağlı kampaniya aparıb. Nataşa Pirs-Musar ölkə tarixinə ilk qadın dövlət başçısı kimi düşüb.