Rusiyanın Voronej şəhərinə PUA düşüb, yaralananlar var

Rusiyanın Voronej şəhərinə pilotsuz uçuş aparatının (PUA) düşməsi nəticəsində iki nəfər yaralanıb.

“Turanın səsi ” Rusiya KİV-inə istinadən xəbər verir ki, bunu Voronejin qubernatoru Aleksandr Qusev bildirib.

Onun sözlərinə görə, PUA şəhərin Belinsk küçəsinə düşüb.

Qubernator yaralılara lazımi tibbi yardımın göstərildiyini bildirib.

A.Qusev qeyd edib ki, hadisə yerində xüsusi xidmət orqanlarının əməkdaşları fəaliyyət göstərir.