Rusiyanın daha bir neçə hava limanının fəaliyyətinə məhdudiyyətlər tətbiq edildi

Ulyanovsk və Samara hava limanlarının fəaliyyəti müvəqqəti məhdudlaşdırılıb.

“turaninsesi.az” Rusiya mətbuatına istinadən xəbər verir ki, bu barədə “Rosaviasiya” məlumat yayıb.

“Mülki hava gəmilərinin uçuş təhlükəsizliyini təmin etmək üçün Ulyanovsk (Baratayevka) hava limanında Moskva vaxtı ilə saat 13:40-dan (Bakı vaxtı ilə 14:40) və Samara (Kurumoç) hava limanında Moskva vaxtı ilə saat 14:00-dan (Bakı vaxtı ilə 15:00) təyyarələrinin qəbulu və yola salınmasına müvəqqəti məhdudiyyətlər tətbiq edilib”, – məlumatda qeyd olunub.

Qeyd edək ki, daha öncə Saratov hava limanında məhdudiyyətlərin tətbiq olunduğu bildirilirdi.

⤵️
” TURANIN SƏSİ “_ ARZU PAŞAQIZI