Putin: 4 min iranlını Suriyadan çıxardıq

Rusiya İran hakimiyyətinin tələbi ilə Suriyadan Tehrana 4 min iranlı döyüşçünü çıxarıb.

“turaninsesi.az” xəbər verir ki, bunu Rusiya prezidenti Vladimir Putin bildirib.

“Əgər əvvəllər eyni iranlı dostlarımız onlara bölmələrini Suriya ərazisinə köçürmək üçün kömək istəmişdilərsə, indi bizdən onları oradan çıxarmağı xahiş etdilər, biz 4 min iranlı döyüşçünü Xmeymim bazasından Tehrana apardıq”, – Putin mətbuat konfransında deyib.

Onun sözlərinə görə, “iranpərəst” adlandırılan birləşmələrin bəziləri döyüşmədən Livana, bəziləri isə İraqa gedib.

Dövlət başçısı qeyd edib ki, Suriyada vəziyyət asan deyil:

“Çox ümid edirik ki, ora sülh və əmin-amanlıq gələcək. Vəziyyətə nəzarət edən bütün qruplarla, regionun bütün ölkələri ilə əlaqələrimizi saxlayırıq. Onların böyük əksəriyyəti hərbi bazalarımızın Suriyada qalmasında maraqlı olduğunu deyir”, – deyə Putin vurğulayıb.

⤵️
” TURANIN SƏSİ “_ ARZU PAŞAQIZI