Prezident prokurorluğa getməməlidir – Müxalifətdən tövsiyə

Müxalifət liderləri Gürcüstan prezidenti Salome Zurabişviliyə seçki saxtakarlığı bəyanatı ilə bağlı izahat vermək üçün prokurorluğa getməməyi tövsiyə ediblər.

“turaninsesi.az” xəbər verir ki, Gürcüstanın Mərkəzi Seçki Komissiyası (MSK) Baş Prokurorluqdan prezidentin seçki saxtakarlığı ilə bağlı dediklərini yoxlamağı xahiş edib.

“Biz, müxalifət olaraq, Gürcüstan prokurorluğuna getmək fikrində deyilik, çünki ona inanmırıq. Prezident də prokurorluğa getməyəcək, amma onun məsləhətimə ehtiyacı yoxdur”, – bunu müxalifət liderlərindən biri olan Zurab Caparidze deyib.

Hakim “Gürcü Arzusu” partiyasının icraçı katibi Mamuka Mdinaradze Zurabişviliyə oktyabrın 31-də parlament seçkilərinin saxtalaşdırılması ilə bağlı bəyanatına aydınlıq gətirmək üçün onu çağıran prokurorluqla əməkdaşlıq etməyi tövsiyə edib:

“Prezident Zurabişvili ittihamlarının nəyə əsaslandığına görə cavab verməlidir ki, biz prokurorluqda aparılan istintaq çərçivəsində ədalətli seçkilərin keçirilməsini sübut etmək üçün istənilən seçki məntəqəsini açmağa hazırıq və prezident və müxalifət liderləri öz ittihamlarına cavab verməlidirlər”.

Salome Zurabişvili bundan əvvəl bəyan edib ki, oktyabrın 26-da keçirilən parlament seçkiləri Gürcüstan hakimiyyəti tərəfindən saxtalaşdırılıb. O, əhalini oktyabrın 28-də keçirilən etiraz aksiyasına qoşulmağa çağırıb.

⤵️
” TURANIN SƏSİ “_ ARZU PAŞAQIZI