Paşinyanın sədrliyi ilə keçən iclasda Putin də olacaq
Vladimir Putin Sankt-Peterburqa gedir və yaxın bir neçə gün ərzində orada MDB ölkələrinin liderləri ilə görüşlər keçirəcək.
“turaninsesi.az” TASS-a istinadla xəbər verir ki, çoxtərəfli proqram əsasən dekabrın 25 və 26-da gözlənilir.
Rusiya prezidenti dekabrın 26-da Ermənistan baş naziri Nikol Paşinyanın sədrliyi ilə Ali Avrasiya İqtisadi Şurasının iclasında iştirak edəcək.
Ermənistan bu il Aİİ-yə sədrlik edir. Tədbirdə həmçinin Belarus, Qazaxıstan və Qırğızıstan, eləcə də müşahidəçi ölkələr: Özbəkistan və Kuba prezidentləri iştirak edəcəklər.
MDB ölkələrinin bütün liderləri bundan bir gün əvvəl, dekabrın 25-də bir araya gələcək. Yeni il qabağı qeyri-rəsmi görüş Birlik ölkələrinin çoxdankı ənənəsidir.
Proqrama əsasən, Putin sammitdə Rusiyanın 2024-cü ildə MDB-də sədrliyinin yekunlarına yekun vuracaq.
⤵️
” TURANIN SƏSİ “_ ARZU PAŞAQIZI