Müharibə başlayandan bəri Rusiya Ukraynanın 30 merini oğurlayıb

Kiyev meri Vitali Kliçko müharibə başlayandan bəri Rusiya işğalçı qüvvələrinin Ukrayna şəhərlərinin 30 merini oğurladığını açıqlayıb.

“Turanın səsi”  xəbər verir ki, bu barədə siyasətçi “Spiegel”ə müsahibəsində bildirib.

“Merlər hər yerdə hədəf idi. Rusiyalılar merləri həbs etməyə və onları əməkdaşlığa məcbur etmək üçün müxtəlif üsullardan istifadə etməyə çalışıblar”, – Ukrayna paytaxtının rəhbəri izah edib.

Kliçkonun sözlərinə görə, hökumət yerli məmurlara potensial işğal halında şəhərlərini tərk edib-etməmələri barədə dəqiq cavab verməyib. O əlavə edib ki, ukraynalılar özləri belə bir qərar qəbul etməli olublar.

“Vəziyyət çətin idi: əgər siz öz icmanızla birlikdə qalsanız, siz satqınsınız… Biz bir neçə dəfə hökumətdən göstəriş verməsini xahiş etmişik: qalmaq, yoxsa evakuasiya etmək? Amma dəqiq cavab almadıq”, – Kliçko yekunlaşdırıb.

⤵️

“TURANIN SƏSİ” Arzu Paşaqızı

BİZİMLƏ ƏLAQƏ SAXLAYIN

ŞAHİDİ OLDUGUNUZ HADİSƏLƏRİ AŞAGIDA

QEYD OLUNAN ƏLAQƏ NÖMRƏMİZİN WhatsApp

ÜNVANINA GÖNDƏRƏ BİLƏRSİNİZ

TEL : 051 777 82 09