Leysan Floridanı cənginə alıb

ABŞ-ın Florida ştatının cənubunda davam edən leysan daşqınlara səbəb olub, artıq 500 mm-ə qədər yağış yağıb.

“turanın səsi ” xəbər verir ki, bu barədə CNN məlumat yayıb.

“Gündəlik yağıntının belə göstəricisi Florida ştatı üçün son dərəcə nadir haldır. Bu, ən yaxşı halda min ildə bir dəfə olur”, – meteoroloq Anna Torres-Vaskes telekanala vəziyyəti şərh edərkən deyib.

Fort Lauderdeyl şəhərində daşqın nəticəsində evləri su basıb, yollar nəqliyyatın hərəkəti üçün bağlanıb. Floridanın cənubundakı hava limanları uçuşları dayandırıb.