Kanada Baş nazirinin tətil üçün Yamaykaya getməsi kəskin tənqid edilib

Kanada müxalifəti Baş nazir Castin Trüdonun Yamaykada Milad bayramı keçirməsinin vergi ödəyicilərinə 160 min Kanada dollarına (120 min dollar) başa gəlməsini ölkə vətəndaşlarına qarşı hörmətsizlik hesab edir.

“turanın səsi ” xəbər verir ki, bunu Kvebek blokunun lideri İv-Fransua Blanşar bəyan edib.

“Bu, vergi ödəyicilərinə qarşı hörmətsizlikdir. Hər gün böyük problemlərlə üzləşən insanlara hörmətsizlik”-deyə, o bildirib. O əlavə edib ki, qalmaq üçün belə bahalı yer seçməklə Trüdo tələsik qərar verib.

“Fakt budur ki, baş nazirin həyat tərzi belədir, belə yaşayır, yəni insanların problemlərini başa düşmür” – deyə, Kanadanın Yeni Demokrat Partiyasının lideri Caqmet Sinqh vurğulayıb.

Kanada Parlamentinin iclasında iştirak edən Trüdo isə müxalifətin bu məsələ ilə ünvanlanan sualları cavabsız qoyub.