İsrail yenidən Livanı vurdu

İsrail ordusu, əhalinin evakuasiyası ilə bağlı xəbərdarlıqdan sonra, Livanın paytaxtına yenidən zərbələr endirib. Beyrutun müxtəlif ərazilərinə endirilən hava zərbələri nəticəsində güclü partlayışlar meydana gəlib.

“turaninsesi.az” xarici mediaya istinadən xəbər verir ki, əməliyyatların əsas hədəfi “Hizbullah”a məxsus önəmli hərbi və mülki bazalar olub. Rəsmi Tel-Əviv, hava hücumlarının davam edəcəyini açıqlayıb.

Artıq 2 həftədən çoxdur davam edən hava hücumları zamanı yüzlərlə insan həlak olub. İsrail əməliyyatlar nəticəsində başda Həsən Nəsrullah olmaqla, bir çox “Hizbullah” liderinin zərərsizləşdirildiyini bildirib.