İsrail klubu məşq və mətbuat konfransını ləğv etdi

UEFA Konfrans Liqası 2-ci təsnifat mərhələsinin cavab oyununda “Sabah”ın qonağı olacaq İsrailin “Makkabi” klubunun Bakıdakı məşqi ləğv olunub.

“turaninsesi.az” xəbər verir ki, Hayfa təmsilçisinin baş məşqçi Barak Baxarın oyunöncəsi mətbuat konfransı da baş tutmayacaq.

Buna səbəb komandanın Bakıya uçuşunun ləngiməsidir. “Makkabi” gecə saatlarında Azərbaycana çatacaq.

“Sabah” – “Makkabi” qarşılaşması sabah saat 20:00-da “Bank Respublika Arena”da keçiriləcək. Komandalar arasında ilk görüş Azərbaycan klubunun 3:0 hesablı qələbəsi ilə başa çatıb.