İranla sərhəddə 2 nəfər 8 kq narkotiklə saxlanıldı

Narkotik vasitəni ölkə ərazisinə keçirməyə cəhd göstərən şəxslər saxlanılıb.

“turaninsesi.az” xəbər verir ki, Dövlət Sərhəd Xidmətinin (DSX) Sərhəd Qoşunlarının “Lənkəran” sərhəd dəstəsinin xidməti ərazisində avtomobillə sərhəd xəttinə doğru hərəkət edən 2 naməlum şəxs saxlanılıb.

“90-BJ-616” dövlət qeydiyyat nişanlı avtomobillə həmin istiqamətə hərəkət edən Xaçmaz rayon sakinləri – 1987-ci il təvəllüdlü Elşad Mövsümov və 1997-ci il təvəllüdlü Murad Rəhimov əraziyə ümumi çəkisi 8 kiloqram 800 qram narkotik vasitəni götürmək məqsədilə gəldiklərini etiraf ediblər. 

Fakt üzrə əməliyyat-istintaq tədbirləri davam etdirilir.

Arzu Paşaqızı