Husilər İsrailə 2 raket atdı, biri aeroporta düşdü

Yəməndəki husi üsyançıları növbəti dəfə İsrailin paytaxtı Təl-Əvivdəki Ben Qurion hava limanına zərbə endirib.

“turaninsesi.az” xəbər verir ki, bu barədə husilərin nümayəndəsi Yəhya Sariya deyib.

O bildirib ki, obyektə doğru 2 raket buraxılıb və onlardan biri birbaşa aeroporta düşüb. İsrailin hava hücumundan müdafiə sistemləri raketi zərərsizləşdirə bilməyib.

Sariya Fələstin xalqına dəstək olaraq hücumların davam etdiriləcəyini əlavə edib.