Gürcüstanda ardıcıl iki zəlzələ baş verdi

Gürcüstanın şimal-şərqində bu gün iki zəlzələ qeydə alınıb.

“turaninsesi.az”  xəbər verir ki, bu barədə ölkənin Seysmik Monitorinq üzrə Milli Mərkəzi məlumat yayıb.

Yeraltı təkanlar Tiflisdən təxminən 60 km aralıda, Tianeti regional mərkəzi yaxınlığındakı dağlarda qeydə alınıb. İlk zəlzələ saat 04:53-də 3,9 bal gücündə baş verib. İkinci yeraltı təkan isə saat 09:03-də 3,8 bal gücündə qeydə alınıb.

Yeraltı təkanların ocağı 26 və 15 km dərinlikdə yerləşib.

Dağıntılar barədə məlumat verilməyib.