Daha 2 ölkə Şengen üzvü oldu

Bolqarıstan və Rumıniya yanvarın 1-dən Şengen zonasına tam qoşulmaqla Yeni ili qeyd edib.

“turaninsesi.az” Bloomberg-ə istinadla xəbər verir ki, bu, onların iqtisadiyyatlarının inkişafına yeni təkan verəcək.

Aİ artıq keçən ilin martında Bolqarıstan və Rumıniyaya hava və dəniz nəqliyyatı ilə pasportsuz səyahət icazəsi verib. Lakin hər iki ölkə uzun müddətdir ki, quru sərhədlərində nəzarətin aradan qaldırılmasının əsas olduğunu bildirib.

Bolqarıstan əhalisi nəzarət-buraxılış məntəqələrində gözləməyə 242 min günə bərabər vaxta qənaət edə bilər.

Aİ-nin ən yoxsul üzvlərindən biri olan Bolqarıstana birbaşa təsiri ildə 866 milyon avro ola bilər.

Rumıniya iqtisadiyyatının təxminən 15%-ini və Bolqarıstan iqtisadiyyatının 4%-ni təşkil edən avtomobil sənayesi də daxil olmaqla, əsas istehsalçılar da rahat nəfəs alırlar.

Şengendən kənarda qalmaq ölkənin avtomobil sənayesinə gündə 180 min avroya başa gəlir.

⤵️
” TURANIN SƏSİ “_ ARZU PAŞAQIZI