BMT Rusiya iqtisadiyyatının 2022-ci ildə 7% azalacağını gözləyir

Gələn il Rusiyanın ümumi daxili məhsulu (ÜDM) 1,3% arta bilər. Lakin bu il ölkə iqtisadiyyatında azalma 7% olacaq.

“Turanın səsi” xəbər verir ki, bu barədə BMT Baş Assambleyasının Ticarət və İnkişaf üzrə Konfransının (UNCTAD) hesabatında deyilir.

Hazırda Rusiya iqtisadiyyatına beynəlxalq maliyyə sanksiyaları, o cümlədən Rusiya Mərkəzi Bankının (MB) qızıl-valyuta ehtiyatlarının bir hissəsinin dondurulması təsir göstərir.

İlin sonuna qədər Qərb ölkələrinin Moskvaya qarşı tətbiq etdiyi ticarət məhdudiyyətləri mənfi təsirini daha da artıracaq. Bütün bunlar Rusiya ÜDM-nin kəskin azalmasına səbəb olacaq.