Aİ Rusiyaya hərbi yardım göstərməməsi üçün Çinə çağırış edib

“Çini Rusiyaya hərbi yardım göstərməməyə çağırırıq”.

“Turanın səsi ” xarici KİV-ə istinadən xəbər verir ki, bunu Avropa Komissiyasının prezidenti Ursula fon der Lyayen Fransa Prezidenti Emmanuel Makron və Çin lideri Si Cinpinlə birlikdə keçirdiyi mətbuat konfransında deyib.

Onun sözlərinə görə, Çinin Rusiyaya hərbi yardımı Aİ ilə münasibətlərin pisləşməsinə səbəb ola bilər.

U.Lyayen bildirib ki, Rusiyanın Ukraynaya qarşı təcavüzkar müharibəsi ilə bağlı Çinin mövqeyi Avropa İttifaqı üçün çox vacibdir.