Aİ öz dron ordusunu yarada bilər
Üzv dövlətlər bunu tələb edərsə, Aİ pilotsuz təyyarələr ordusu yaratmağı nəzərdən keçirə bilər.
“turaninsesi.az” xəbər verir ki, bunu Avropanın müdafiə üzrə komissarı Andrius Kubilius bildirib.
“Biz NATO ilə sıx əməkdaşlıq etməliyik. PUA ordusuna ehtiyacımız olub-olmaması ilə bağlı qərarı NATO verməlidir. Amma artıq görürəm ki, bir çox Aİ ölkəsi dronların çox vacib olduğuna inanır. Üzv ölkələr bunu istəsə, təklifi nəzərdən keçirəcəyik”.
Siyasətçi qeyd edib ki, PUA-lar bütün hərbi əməliyyatların gedişatını dəyişməyə qadirdir:
“Ona görə də, ordumuz müasir dronların və elektron döyüş texnikalarının istehsalını təcili olaraq artırmalı olduğumuzu deyəndə, bunu etməliyik”.
⤵️
” TURANIN SƏSİ “_ ARZU PAŞAQIZI