Ərdoğan və Putin arasında telefon danışığı olacaq 

Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olacaq.

“Turanın səsi” xəbər verir ki, bunu R.T.Ərdoğan İndoneziyanın Bali adasında jurnalistlərə açıqlamasında deyib.

“Türkiyəyə qayıdan kimi onunla danışacam. Bildiyiniz kimi, sülhə gedən yol dialoqdan keçir”, – o vurğulayıb.

Xatırladaq ki, R.T.Ərdoğan G20 ölkələrinin İndoneziyanın Bali adasında keçirilən IX sammitində iştirak edir.