Biləsuvarda Zəfər Gününə həsr olunmuş ağacəkmə kampaniyası keçirilib
DİN Mətbuat Xidmətinin Lənkəran regional qrupundan verilən məlumata görə, Zəfər Günü münasibətilə Biləsuvar rayonunda təşkil olunan ağacəkmə kampaniyasında Rayon Polis Şöbəsinin əməkdaşları xüsusi ayrılmış ərazidə rayonun iqlim şəraitinə uyğun olan 100-dən artıq ağac əkiblər. Aksiya çərçivəsində əkilən ağaclar suvarılıb və küləkdən qorunması üçün dirəklər basdırılıb.
Biləsuvar Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması istiqamətində səylərini bundan sonra da davam etdirəcəklərini bildiriblər.
