Prezidentin sərəncamı ilə 150 min tələbə və doktorantların təqaüdləri artırılıb
Azərbaycan Prezidentinin imzaladığı sərəncamla 150 min tələbə və doktorantların təqaüdləri artırılıb.
“Turanın səsi ” xəbər verir ki, bunu əmək əhalinin sosial müdafiəsi nazirinin müavini Anar Kərimov deyib.
O bildirib ki, Azərbaycan Prezidentinin müvafiq fərman və sərəncamlarına əsasən ümumilikdə 660 min nəfərə yönələn sosial müavinət və təqaüdlərin artırılması təmin edilir.
Ümumilikdə 2023-cü ildə yeni sosial islahat paketi üzrə 1,9 milyon vətəndaşı əhatə edən sosial ödənişlərdə növbəti artımlar edilib və bunun üçün illik əlavə 750 milyon manat vəsait nəzərdə tutulub.
Dövlət büdcəsinin vəsaiti hesabına doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının (AMEA) magistratura səviyyəsində təhsil alan tələbələrə verilən təqaüdlərin məbləğləri 2023-cü il yanvarın 1-dən artırılıb.
Sərəncamla həmin məbləğlər aşağıdakı kimi müəyyən edilib:
1. Doktorantura pilləsi üzrə:
1. elmlər doktoru hazırlığı üzrə doktorantlara – 400 (dörd yüz) manat;
2. fəlsəfə doktoru hazırlığı üzrə doktorantlara – 240 (iki yüz qırx) manat.
2. Ali təhsil müəssisələrində və Azərbaycan Milli Elmlər Akademiyasında:
Magistratura səviyyəsi üzrə:
1. akademik göstəriciləri 91–100 bal olan tələbələrə – 195 (yüz doxsan beş) manat;
2. akademik göstəriciləri 71–100 bal olan tələbələrə – 160 (yüz altmış) manat;
3. akademik göstəriciləri 51–100 bal olan tələbələrə – 110 (yüz on) manat;
bakalavriat səviyyəsi üzrə:
1. akademik göstəriciləri 91–100 bal olan tələbələrə – 175 (yüz yetmiş beş) manat;
2. akademik göstəriciləri 71–100 bal olan tələbələrə – 145 (yüz qırx beş) manat;
3. akademik göstəriciləri 51–100 bal olan tələbələrə – 100 ( bir yüz) manat.
3. Orta ixtisas təhsili müəssisələrində:
1. akademik göstəriciləri 91–100 bal olan tələbələrə – 100 (bir yüz) manat;
2. akademik göstəriciləri 71–100 bal olan tələbələrə – 80 (səksən) manat;
3. akademik göstəriciləri 51–100 bal olan tələbələrə – 66 (altmış altı) manat.
4. Peşə təhsili müəssisələrində:
1. akademik göstəriciləri “5” (yüksək texniki peşə təhsili səviyyəsində 91–100 bal) olan tələbələrə – 100 (bir yüz) manat;
2. akademik göstəriciləri “4” və “5” (yüksək texniki peşə təhsili səviyyəsində 71–100 bal) olan tələbələrə – 80 (səksən) manat;
3. akademik göstəriciləri “3”–“5” (yüksək texniki peşə təhsili səviyyəsində 51–100 bal) olan tələbələrə – 66 (altmış altı) manat.
Qeyd edək ki, daha əvvəl dövlət büdcəsinin vəsaiti hesabına doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının (AMEA) magistratura səviyyəsində təhsil alan tələbələrə verilən təqaüdlərin məbləğləri aşağıdakı kimi idi:
Doktorantura pilləsi üzrə:
1. elmlər doktoru hazırlığı üzrə doktorantlara – 360 manat;
2. fəlsəfə doktoru hazırlığı üzrə doktorantlara – 216 manat.
Ali təhsil müəssisələrində və Azərbaycan Milli Elmlər Akademiyasında:
Magistratura səviyyəsi üzrə:
1. akademik göstəriciləri 91–100 bal olan tələbələrə – 174 manat;
2. akademik göstəriciləri 71–100 bal olan tələbələrə – 144 manat;
3. akademik göstəriciləri 51–100 bal olan tələbələrə – 96 manat;
bakalavriat səviyyəsi üzrə:
1. akademik göstəriciləri 91–100 bal olan tələbələrə – 156 manat;
2. akademik göstəriciləri 71–100 bal olan tələbələrə – 132 manat;
3. akademik göstəriciləri 51–100 bal olan tələbələrə – 90 manat;
Orta ixtisas təhsili müəssisələrində:
1. akademik göstəriciləri 91–100 bal olan tələbələrə – 90 manat;
2. akademik göstəriciləri 71–100 bal olan tələbələrə – 72 manat;
3. akademik göstəriciləri 51–100 bal olan tələbələrə – 60 manat.
Peşə təhsili müəssisələrində:
1. akademik göstəriciləri “5” (yüksək texniki peşə təhsili səviyyəsində 91–100 bal) olan tələbələrə – 90 manat;
2. akademik göstəriciləri “4” və “5” (yüksək texniki peşə təhsili səviyyəsində 71–100 bal) olan tələbələrə – 72 manat;
3. akademik göstəriciləri “3”–“5” (yüksək texniki peşə təhsili səviyyəsində 51–100 bal) olan tələbələrə – 60 manat.
⤵️
“TURANIN SƏSİ” Arzu Paşaqızı
BİZİMLƏ ƏLAQƏ SAXLAYIN
ŞAHİDİ OLDUGUNUZ HADİSƏLƏRİ AŞAGIDA
QEYD OLUNAN ƏLAQƏ NÖMRƏMİZİN WhatsApp
ÜNVANINA GÖNDƏRƏ BİLƏRSİNİZ
TEL : 051 777 82 09