Müharibə əlillərinə daha 20 avtomobil təqdim olunub

Müharibə ilə əlaqədar əlilliyi olan şəxslərə daha 20 avtomobil təqdim edilib.

“Turanın səsi”-ın məlumatına görə, postmüharibə dövründə müharibə ilə əlaqədar əlilliyi olan şəxslərə 300-dən çox, ümumən ötən dövrdə 7500-dən çox avtomobil verilib.

Tədbirdə əmək və əhalinin sosial müdafiəsi nazirinin müavini Anar Əliyev Prezident İlham Əliyevin göstərişi ilə Vətən müharibəsindən sonra icra olunan geniş miqyaslı sosial dəstək paketinin şəhid ailələri, müharibə iştirakçılarından ibarət artıq 119 min şəxsi əhatə etdiyini, onlara sosial dəstək yönümlü 243 min xidmət göstərildiyini bildirib.

Qeyd olunub ki, bu sosial dəstək paketinin bir istiqaməti kimi, postmüharibə dövründə şəhid ailələri və müharibə ilə əlaqədar əlilliyi olan şəxslərə 4 min, ümumilikdə ötən dövrdə 13 minədək mənzil və fərdi ev təqdim edilib.

Bu kateqoriyalardan olan vətəndaşlara 2022-ci il üzrə 1500 mənzil və fərdi ev verilməsi nəzərdə tutulub ki, artıq 1000-i təqdim edilib. 44 günlük Vətən müharibəsi şəhidlərinin ailələrinin, həmin müharibə ilə əlaqadar əlilliyi olan şəxslərin də 2021-ci ilin əvvəlindən mənzillə təminatı həyata keçirilir.

⤵️

“TURANIN SƏSİ” Arzu Paşaqızı

BİZİMLƏ ƏLAQƏ SAXLAYIN

ŞAHİDİ OLDUGUNUZ HADİSƏLƏRİ AŞAGIDA QEYD OLUNAN ƏLAQƏ NÖMRƏMİZİN WhatsApp ÜNVANINA GÖNDƏRƏ BİLƏRSİNİZ

TEL : 051 777 82 09