Meydançaya ildırım düşdü, futbolçu öldü

Peruda futbol oyunu zamanı faciə baş verib.

“turaninsesi.az” xəbər verir ki, aşağı liqaların birində keçirilən “Xuventud Bellavista” – “Familia Çokka” matçı zamanı güclü yağış başlayıb.

Futbolçular paltardəyişmə otağına yollanarkən meydana ildırım düşüb.

Nəticədə meydan sahiblərinin müdafiəçisi Xose Uqo De la Krus Mesa həlak olub. Daha 4 futbolçu isə yaralanıb. Onlar yanıq xəsarəti alıblar.