“Qalatasaray” “Beşiktaş”ı məğlub etdi

Türkiyə Superliqasında 10-cu tura yekun vurulub.

“turaninsesi.az”  xəbər verir ki, turun bağlanış oyunu İstanbul derbisi ilə əlamətdar olub.

Son çempion “Qalatasaray” öz meydanında “Beşiktaş”ı qəbul edib. Oyun meydan sahiblərinin qələbəsi ilə başa çatıb – 2:1 .

Hesabı 13-cü dəqiqədə “cim-bom”lu Sançes açıb. 67-ci dəqiqədə Osimhen fərqi artırıb. “Ağ-qaralar” bu qollardan yalnız birinin əvəzini çıxmağı bacarıblar – 2:1.

Qeyd edək ki, hazırda “Qalatasaray” 28 xalla turnir cədvəlinə başçılıq edir. Bir oyun az keçirən “Beşiktaş” isə 20 xalla 4-cü pillədə qərarlaşıb.