“El-Klassiko”da barselonalılar qalib gəldi
La Liqanın 11-ci turu çərçivəsində “Real” “Barselona” ilə qarşılaşıb.
“turaninsesi.az” xəbər verir ki, “El-Klassiko” Madriddəki “Santyaqo Bernabeu” arenasında keçirilib. Görüşün referisi Xose Sançez olub.
Oyunda “Barselona” “Real”ı darmadağın edib – 4:0.
Komandalar bunadək son dəfə avqustun 3-də yoldaşlıq oyununda üz-üzə gəliblər. Həmin vaxt Kataloniya təmsilçisi 2:1 hesablı qələbə qazanıb.
La Liqada isə son “El-Klassiko” aprelin 21-də keçirilmişdi. “Kral klubu” matçda 3:2 hesabı ilə qalib gəlmişdi.
Hazırda turnir cədvəlinə 30 xalla “Barselona” liderlik edir. “Real” isə 24 xalla 2-cidir.