Təyyaralər havada qaldı – NƏ BAŞ VERİR?

İranın İsrailə gecə hücumundan sonra bir çox aviaşirkət reysləri marşrutundan yayınaraq müxtəlif şəhərlərdə məcburi eniş edib. 

“turaninsesi.az” xəbər verir ki, Avropa və Şimali Amerikadan Körfəz və Cənubi Asiyaya uçuşlar normal olaraq Türkiyənin cənub-şərqindən keçir və İran və ya İraq üzərindən davam edir. 

Lakin İrandan İsrailə atılan raketlər səbəbindən İraq və İran hava məkanları, İordaniya hava məkanı da müvəqqəti bağlanıb.

Bu xaosun ən parlaq nümunəsi Air France-ın Parisdən Mumbaya gedən AF218 reysi olub.Təyyarə səkkiz saatlıq uçuşdan sonra Parisə qayıtmalı olub. 

Airbus A350 təyyarəsi isə dörd saatlıq gecikmə ilə Şarl de Qoll hava limanından havaya qalxıb, lakin İraq hava məkanı bağlandığı zaman geri dönüb. Təyyarə Parisə uçuş vaxtından 12 saat sonra gəlib. Bu uçuş istisna olmaqla, bir çox təyyarə cənub marşrutuna yönləndirilib və Misir vasitəsilə Səudiyyə Ərəbistanının daxili ərazilərinə uçmalı olub. Marşrutların uzun olması səbəbindən bəzi təyyarələr yanacaq doldurmalı olub və bir çox reys təyinat yerinə iki-üç saat gec gəlib.