Orduya gedirsənsə, məhkumluq ləğv olunur – Putindən 2 yeni fərman

Rusiya prezidenti Vladimir Putin səfərbərlik və ya müharibə zamanı işi birinci instansiya və ya apellyasiya məhkəməsində baxılan müttəhimlərlə müqavilə bağlama imkanı verən 2 qanun imzalayıb.

“turaninsesi.az” xəbər verir ki, sənədlər rəsmi internet portalında dərc olunub.

Qanunlardan birində təqsirləndirilən şəxslər səfərbərlik, hərbi vəziyyət və ya müharibə dövründə hərbi xidmətə çağırıldıqda, Rusiya Federasiyasının Silahlı Qüvvələri ilə müqavilə bağladıqda məhkəmədə cinayət işinin dayandırılması və sonradan cinayət məsuliyyətindən azad edilməsinin mümkünlüyü nəzərdə tutulur.

Bundan əlavə, oxşar hüquqi mexanizm barələrində hökm çıxarılan, lakin qanuni qüvvəyə minməmiş, o cümlədən cinayət işi üzrə apellyasiya icraatı mərhələsində olan məhkumlara da şamil edilir.

Başqa bir qanun, eyni şəraitdə hərbi xidmət üçün müqavilənin prokurorun göndərdiyi məhkəmə araşdırması mərhələsində təqsirləndirilən şəxslərin (müttəhimlərin) müəyyən kateqoriyaları ilə bağlana biləcəyini nəzərdə tutur.