“Bavarya” Avropada “qan uddurur” 

Almaniyanın “Bavarya” klubu “Çempionlar Liqası”ının 1-ci turu çərçivəsində, evində Xorvatiyanın “Dinamo Zaqreb” klubu ilə qarşılaşıb. Oyun meydan sahiblərinin 9-2 hesablı qələbəsi ilə yekunlaşıb. 

“turaninsesi.az” xarici mediaya istinadən xəbər verir ki, bu münhenlilərin Avropada “divan tutduğu” sayca 3-cü klubdur. “Bavarya” bundan öncəki illərdə İspaniyanın “Barselona” klubunu 8-2, İngiltərənin “Tottenhem” komandasını isə 7-2 hesabı ilə darmadağın edib. 

Maraq üçün qeyd edək ki, “Bavarya” Çempionlar Liqasının 2012-2013-cü il mövsümündə, dövrün ən güclü heyətinə malik olan “Barselona”nı 2 oyunun nəticəsində 7-0 hesabı ilə darmadağın etmişdi. İspanlar 180 dəqiqə ərzində almanların qapısına cəmi 1 hücum edə bilmişdi.