Kim Çen In 30 məmuru güllələtdi

Şimali Koreya hakimiyyəti iyulun sonunda ölkənin şimalında minlərlə insanın həyatına son qoyan güclü daşqından sonra onlarla yüksək vəzifəli məmuru edam edib.

“turaninsesi.az” “TV Chosun” a istinadla xəbər verir ki, zərər çəkmiş bölgənin 20-dən 30-a qədər lideri güllələnib.

KXDR rəhbəri Kim Çen In iyulun sonunda fövqəladə iclasda “vəzifələrinə etinasız yanaşanları” sərt şəkildə cəzalandıracağını və bu qədər qurbanların olmasına icazə verəcəyini bildirib. Şimali Koreyanın dövlət mediası fəlakətdən sonra xilasetmə işlərinə nəzarət edən dövlət başçısının fotoşəkillərini yayıb, lakin heç bir ölüm faktı barədə məlumat verməyib. 

Daşqınlar ən çox Çinlə həmsərhəd olan Çaqanq əyalətinin şimalında qeydə alınıb. Leysan 4 mindən çox evi zədələyib, yolları və dəmir yollarını su basıb, həmçinin Sinuiju şəhərində təxminən 3,3 min hektar ərazini dağıdıb, 5 minə yaxın insan xilas edilib.