Avropa liderləri Tehranı sərt hərəkətlərdən çəkindirir

Britaniya, Fransa və Almaniya liderləri İsrail və HƏMAS arasında sülh danışıqlarının bərpası çağırışlarını dəstəkləyir və İran və müttəfiqlərini vəziyyəti daha da gərginləşdirə biləcək hərəkətlərdən çəkinməyə çağırırlar.

“turaninsesi.az” xəbər verir ki, bunu Böyük Britaniyanın baş naziri Keir Starmer, Fransa prezidenti Emmanuel Makron və Almaniya kansleri Olaf Şolz birgə bəyanatda bildiriblər.

“Biz İranı və onun müttəfiqlərini gərginliyi daha da artıracaq və atəşkəs razılaşmasına nail olmaq və girovları azad etmək imkanlarına xələl gətirəcək hücumlardan çəkinməyə çağırırıq”, – deyə onlar vurğulayıblar.

Liderlər xİsrail və HƏMAS arasında danışıqlara vasitəçilik edən ABŞ, Qətər və Misirin danışıqları bərpa etmək çağırışlarını dəstəklədiklərini bildiriblər.