“Akaş-1S”in ilk partiyası bu ilin sonuna qədər Ermənistana gələcək

Hindistanın “Akaş-1S” zenit-raket komplekslərinin ilk partiyası bu ilin sonuna qədər Ermənistana gələcək.

“turaninsesi.az” Indian Defence Research Wing-ə istinadla xəbər verir ki, İrəvan 720 milyon dollar dəyərində bu hava hücumundan müdafiə sistemlərindən 15 ədəd sifariş verib.

O bu Hindistan silahlarının ilk xarici alıcısı olacaq.

“Akash-1S” sistemləri döyüş təyyarələri, idarə olunan raketlər və pilotsuz uçuş aparatları kimi hava təhdidlərinə qarşı etibarlı müdafiəni təmin edərək, eyni vaxtda aktiv hədəf axtarışı və hədəfləmənin kombinasiyasından istifadə edir.

“Akash-1S” 1983-cü ildə hazırlanıb və 30 ildən sonra xidmətə başlayıb. O, 4-25 km radiusda hava hədəflərini vura bilir.