İran hansı ərazilərdən İsrailə zərbə endirəcək?

İran İsrailə hücum edərkən ballistik və qanadlı raketlərdən, habelə İran ərazisinin qərbindən buraxılan PUA-lardan istifadə edə bilər. 

“turaninsesi.az”  “Jerusalem Post”a istinadla xəbər verir ki, Tədqiqatçılar İran ordusu və İslam İnqilabı Keşikçiləri Korpusunun Təbriz, Kirmanşah, Xorrəmabad və Dizful əraziləri də daxil olmaqla, İranda atışlar həyata keçirə biləcəyi 12 məntəqə müəyyən ediblər.

Atışların həm yeraltı bazaların yaxınlığındakı açıq ərazilərdəki mobil qurğulardan, həm də bazaların özündən baş tutacağı gözlənilir.

Bununla belə, müşahidəçilər hesab edirlər ki, məhdud sayda raket şaxtı bazalardan buraxılışların sıxlığına təsir edəcək.

Xatırladaq ki, aprelin 13-dən 14-nə keçən gecə İran ballistik və qanadlı raketlər və PUA-larla İsrailə hücum edib və onların əksəriyyəti ələ keçirilib.