Paşinyan MDB ölkələrinin baş nazirlərinin Aşqabaddakı görüşünə qatılmadı

Ermənistanın baş naziri Nikol Paşinyan MDB ölkələrinin hökumət başçıları Şurasının iclası üçün Aşqabada gəlməyib.

“Turanın səsi ” xəbər verir ki, iclasda Ermənistanı ölkənin Müstəqil Dövlətlər Birliyinin qanuni və digər orqanları yanında daimi səlahiyyətli nümayəndəsi, Ermənistanın Belarusdakı fövqəladə və səlahiyyətli səfiri Razmik Xumaryan təmsil edib.

İrəvan son vaxtlar bəzi inteqrasiya formatlarında görüşlərə qatılmır. Belə ki, Paşinyan Kollektiv Təhlükəsizlik Müqaviləsi Təşkilatının bəzi sammitlərində də iştirak etməyib.