Ukraynaya verilən hərbi texnika artıq döyüş meydanındadır – ABŞ rəsmisi
ABŞ Konqresinin təsdiq etdiyi 60,8 milyard dollarlıq hərbi yardım paketinin bir hissəsi kimi ayrılan Amerika hərbi yardımı artıq Ukraynadadır. “Turanın səsi ” BBC-yə istinadla xəbər verir ki, bunu ABŞ prezidentin milli təhlükəsizlik üzrə müşaviri Ceyk Sallivan deyib.
O bildirib: “Hərbi texnikanın bir hissəsi artıq döyüş meydanındadır. Həftədən həftəyə daimi axın olacaq”.
Sallivan təsdiqləyib ki, Birləşmiş Ştatlar Ukraynaya daha çox “Patriot” hava hücumundan müdafiə sistemləri tədarük etməyə çalışır.