Monqolustanda güclü zəlzələ oldu 

Bu gün Monqolustanın qərbində, Rusiya ilə sərhəddən təxminən 340 km aralıda 5,8 bal gücündə zəlzələ qeydə alınıb. 

“Turanın səsi ”  Rusiya Elmlər Akademiyasının Vahid Geofizika Xidmətinin Altay-Sayan bölməsinə istinadən xəbər verir ki, zəlzələnin episentri Çuluut kəndindən təqribən 26 km cənub-şərqdə və Baykal rifi zonasının cənub-qərbində yerləşən Xubsuqul gölündən təxminən 336 km cənubda yerləşib.

Episentrdə zəlzələnin intensivliyi MSK-64 şkalası (Medvedyev-Şponhoyer-Karnik şkalası- Qeyd) üzrə 7,6 bal olub.

Alimlərin fikrincə, Avrasiya və Amur tektonik plitələrinin ayrıldığı Baykal rifi zonasının uzunluğu təxminən 2 min km-dir. Onun mərkəzi hissəsində Baykal gölü, cənub-qərbdə – Xubsuqul gölü (Monqolustan), şimal-şərqdə – Baykal-Amur magistral xəttinin (BAM) keçdiyi dağlıq bölgə var.

Baykal rifinin seysmik aktivliyində artım 2020 – 2022-ci illərdə müşahidə edilib, sonra 2023-cü ilin sonunda bir qədər azalmadan sonra bu zonada bir neçə güclü zəlzələ qeydə alınıb.